دبلا لاس


سره سيلۍ ده سور ناتار دی
او د سرو وينو  سېلاب  دی
د ککرو بازار تود  دی
بيا  راغلی  انقلاب  دی
څه  مي کړي زما سوال  دی؟
او مرمۍ د ده  ځواب  دی
دا  چې  سوی په لمبو  دی
دا زما د دين کتاب  دی

زما تن په وينو سور  دی
پسي کلک لاس د بلا  دی
ددغې غرو ته پسې ځمه
دم يي زده د يو ملا  دی
پر وطن  مې صليبيانو
يرغل کړی برالا  دی
سر لښکر  ددوی شېطان  دی
او لارښود زما الله  دی

تا  راوستي  الوتکې
او په شاه يي توغندي  دي
خو زما د پاکې  خاورې
شازلمي له تا ګړندي  دي
تاووه له ځانه  زغرې
فدايان زما  ژوندي  دي
ازادي مو خپله کړې
که مات شوي مو تندي دي

سميع الله تړون